اہم خبریں

’جسٹس قاضی فائز عیسیٰ کو 2 شوکاز نوٹسز جاری، اب کسی شک کی گنجائش نہیں باقی‘ سینئر صحافی عمر چیمہ کا تہلکہ خیز انکشاف

’جسٹس قاضی فائز عیسیٰ کو 2 شوکاز نوٹسز جاری، اب کسی شک کی گنجائش نہیں باقی‘ سینئر صحافی عمر چیمہ کا تہلکہ خیز انکشاف

اسلام آباد (نمائندہ خصوصی) سینئر صحافی عمر چیمہ نے انکشاف کیا ہے کہ سپریم کورٹ کے جسٹس قاضی فائز عیسیٰ کو جمعرات کے روز یکے بعد دیگرے 2 شوکاز نوٹسز جاری کیے گئے ہیں۔

ٹوئٹر پر سینئر صحافی عمر چیمہ نے بتایا کہ جسٹس قاضی فائز عیسیٰ کو ایک شوکاز نوٹس صدارتی ریفرنس کے بارے میں جاری کیا گیا ہے جبکہ دوسرا نوٹس اس ریفرنس کے تناظر میں صدر مملکت عارف علوی کو خط لکھنے اور اسے میڈیا کو ’ لیک‘ کرانے کے حوالے سے جاری کیا گیا ہے۔ عمر چیمہ نے معنی خیز انداز میں لکھا ’اب کسی شک کی گنجائش نہیں باقی۔‘
جسٹس قاضی فائز عیسیٰ کو دونوں اظہار وجوہ کے نوٹسز کا 14 روز میں جواب جمع کرانے کی ہدایت کی گئی ہے۔ خیال رہے کہ جسٹس قاضی فائز عیسیٰ کے خلاف صدر مملکت عارف علوی نے بیرون ملک اثاثوں کے الزام پر سپریم جوڈیشل کونسل کو ریفرنس بھیجا تھا۔ اس ریفرنس کے جواب میں جسٹس قاضی فائز عیسیٰ نے صدر مملکت کو خط لکھا تھا جو میڈیا پر منظر عام پر آیا تھا۔ جسٹس قاضی کا خط منظر عام پر آنے کے بعد شہزاد وحید نامی وکیل نے سپریم جوڈیشل کونسل میں ریفرنس دائر کرتے ہوئے ان پر ججوں کے ضابطہ اخلاق کی خلاف ورزی کا الزام عائد کیا تھا۔

About The Author

Related posts

Leave a Reply

Your email address will not be published. Required fields are marked *