اہم خبریں

بھارتی ریاست کیرالہ کے شہر تھریسر میں دسویں جماعت کی طالبہ گھوڑے پر امتحان دینے سکول پہنچ گئی

بھارتی ریاست کیرالہ کے شہر تھریسر میں دسویں جماعت کی طالبہ گھوڑے پر امتحان دینے سکول پہنچ گئی

نئی دہلی(این این آئی )بھارتی ریاست کیرالہ کے شہر تھریسر میں ایک دسویں جماعت کی طالبہ گھوڑے پرامتحان دینے سکول پہنچ گئی۔

بھارتی میڈیا رپورٹس کے مطابق طالبہ کی یونیفارم میں ملبوس گھڑ سواری کرتے ہوئے ویڈیو سوشل میڈیا پر وائرل ہوگئی۔ویڈیو کے اپ لوڈ ہوتے ہی آسے بڑی تعداد میں لوگوں کی جانب سے پسند کیا گیا اور صارفین نے کمنٹس کے ذریعے اپنی رائے کا اظہار بھی کیا ہے۔منفرد انداز میں گھڑ سواری کرتی بچی کی اس ویڈیو نے بھارتی نامور کاروباری شخصیت آنند مہندرا کی توجہ بھی اپنی جانب مبذول کرالی۔

مختصر ویڈیو کلپ میں دیکھا جاسکتا ہے کہ ایک باہمت لڑکی سکول یونیفارم میں ملبوس، پیٹھ پر بیگ لٹکائے پریشانی میں اپنے امتحانی مرکزکی طرف گھوڑا بھگا رہی ہے۔اس ویڈیو پر آنند مہندرا نے ٹوئٹ کیا کہ شاندار! لڑکیو ں کی تعلیم کو آگے بڑھنا چاہئے۔یہ کلپ عالمی سطح پر مقبول ہونے کے قابل ہے۔ایک اور ٹوئٹ میں آنند مہندرا نے بچی کی حوصلہ افزائی کرتے ہوئے کہا کہ یہ ایک بہادر لڑکی ہے۔اس کا مستقبل کے لیے جذبہ امیدوں سے بھرا ہوا ہے۔

About The Author

Related posts

Leave a Reply

Your email address will not be published. Required fields are marked *