اہم خبریں

اداکارہ صبور علی اور صحیفہ جبار خٹک کے مذاق کا نشانہ بننے والا ونڈو کلینر بھی میدان میں آگیا

اداکارہ صبور علی اور صحیفہ جبار خٹک کے مذاق کا نشانہ بننے والا ونڈو کلینر بھی میدان میں آگیا

کراچی (نمائندہ خصوصی) سوشل میڈیا پر وائرل ویڈیو میں اداکارہ صبور علی اور صحیفہ جبار خٹک کے مذاق کا نشانہ بننے والے ونڈو کلینر کا موقف بھی سامنے آگیا۔

اداکارہ صبور علی نے انسٹاگرام پر سٹوری شیئر کی تھی جس میں وہ ساتھی اداکارہ صحیفہ جبار خٹک کے ساتھ مل کر اپنے سیٹ پر کام کرنے والے ونڈو کلینر کا مذاق اڑا رہی تھیں۔ ویڈیو سوشل میڈیا پر وائرل ہونے کے بعد صبور علی ، صحیفہ جبار خٹک اور ونڈو کلینر (اسسٹنٹ ڈائریکٹر احسان شیخ ) نے ایک ویڈیو پیغام جاری کیا ہے۔

احسان شیخ نے ویڈیو پیغام میں کہا کہ ہم ایک پراجیکٹ کر رہے ہیں جس میں فیملی کی طرح کام کر رہے ہیں ہمارا کام ہی لوگوں کی انٹرٹینمنٹ کرنا ہے اور جب تک ہم خود تفریح نہیں کریں گے تو آپ کو کیسے انٹرٹین کرسکیں گے۔ ہم لوگ بچوں کی طرح شرارتیں کرکے کام کرتے ہیں تاکہ آپ لوگوں کو تفریح فراہم کرسکیں۔

احسان شیخ (وائرل ویڈیو کا ونڈو کلینر ) نے کہا کہ جو ویڈیو وائرل ہوئی اس کا مقصد کسی کی دل آزاری کرنا نہیں تھا، وہ ایک مذاق تھا جسے کچھ لوگوں نے منفی رنگ دے دیا لیکن درحقیقت ایسا کچھ نہیں تھا، ہم لوگ فیملی کی طرح ایک ساتھ ہیں اور آنے والے وقت میں بھی ہمیشہ ایک ساتھ رہیں گے۔

About The Author

Related posts

Leave a Reply

Your email address will not be published. Required fields are marked *